An konparezon ak ane dènyè, te genyen yon monte an pousantaj nan plent sou zafè kredi pa 80 pousan. Majorite nan plent sa yo se te koze fwòd nan kredi ak kontestasyon sou lajan yo chaje moun. Plent yo sou koze vant elektwonik ak magazen yo, ki te fè lis lan tou, te konsènan pwodwi ki te mal fonksyone dapre sa ki te reprezante sou yo an, chaje lajan anplis sou machandiz epi dezakò sou reglemantasyon pou pote remèt machandiz yo.

Remòkaj rete pami 10 plent pi popilè yo de lane dènyè, epi Depatman Sèvis Konsomatè Miami-Dade te genyen envestigasyon ki tap fèt sou aktivite remòkaj ilegal ki mennen kòm rezilta ke konsomatè yo touche $89,000 ranbousman ak apeprè $85,000 amann pou konpayi remòkaj yo.  Envestigasyon sa a lanse an patenarya ak ofisye fòsdelòd yo te dekouvri vyolasyon yo tankou fonksyonnman san imatrikilasyon, move rejis sou deplasman yo, oswa byen sekirize machin kap remòke an. Lòt wenfraksyon yo enkli remòkaj san vre otorizasyon mèt pwopriyete an, mande plis lajan epi pa byen mete pannkat anons remòkaj yo byen.

Depatman Sèvis Konsomatè Miami-Dade envestige ak fè medyasyon nan plent konsomatè yo, ranfòse lwa pwoteksyon konsomatè yo ak reglemantasyon biznis yo ak pèmi sèten biznis.

Konsomatè yo ki ta renmen rapòte yon plent oswa mande enfòmasyon sou repitasyon yon konpayi ak sèvis li anvan yo fè biznis avèk yo, ankouraje rele sant medyasyon depatman an  [Mediation Center] nan  305-375-3677.  Nou kapab soumèt plent yo ak kestyon nou yo pa entènèt nan  www.miamidade.gov/csd.