Enprime lis konsèy sa-a epi pote li avèk w nan lokal pou vote a epi PREPARE W POU ELEKSYON!
Lè w al nan nenpòt lokal pou vote, ke se yon lokal vote pi bonè oswa Jou Eleksyon, asire ke w sonje enfòmasyon swivan yo:
Tanpri pote yon pyès idantifikasyon valid ki gen non w ak foto ak siyati w. Pyès ki aseptab yo se:
-
Lisans Kondwi Eta Florid
-
Kat Didantite Eta Florid
-
Paspò Ameriken
-
Kat Kredi/Kat Tiraj
-
Kat Didantite Militè
-
Kat Etidyan
-
Kat Didantite Sant Retrèt
-
Kat Didantite Sèvis Sosyal (wèlfè)
-
Kat Didantite Asosiyasyon Katye
Yo mande idantifikasyon nan biwo vòt yo sèlman pou konfime idantite votè an – se pa pou tcheke adrès oswa nimewo kat didantite votè an. Kat didantife ak foto an se pou yo konpare moun ki kanpe devan anplwaye biwo vòt la epi siyati an li menm se pou matche li ak siyati ke votè an fè nan liv rejis biwo vòt lan lè li vin vote an. Pou plis detay, tanpri tcheke sit entènèt Depatman Deta Florid epi memorandum  ke yo voye bay Sipèvizè Eleksyon Florid yo.
Si w pa gen yon pyès didantifikasyon ajou ki valid, yo ka mande w vote ak yon bilten vòt pwovizwa.
Tanpri sonje pote Kat Enfòmasyon Votè w pou w'al vote. Byenke li pa obligatwa pou w pote kat enfòmasyon votè w, sa ka ede w pase pou w al vote pi rapid.
Si w pa gen lontan depi w te enskri pou vote epi yo di w ke non w pa nan liv enskripsyon an, pa deplase. Premyèman, mande yon travayè biwo vòt si gen yon lis enskripsyon siplimantè. Dezyèmman, mande travayè biwo vòt yo pou rele biwo Eleksyon Konte Miami-Dade epi ba w yon bilten vòt pwovizwa.
Si w gen ankenn kestyon sou kouman pou w sèvi ak yon aparèy pou vote, asire w ke w mande yon travayè biwo vòt pou ede w.
Biwo Elektoral yo nan Konte Miami-Dade ouvè de 7 a.m. a 7 p.m. nan Jou Eleksyon.
Lè w'ap vote ak yon bilten vòt an papye, asire w ke w ranpli oval la ki akote non kandida w chwazi a konplètman.
Asire w ke w revize toude bò paj la(yo) de bilten vòt la anvan w antre vòt w nan eskanè optik la pou asire ke chwa w yo kòrèk.
Si w pa kapab li dosye PDF la, ou kapab ale nan Acrobat Reader gratis de Sistèm Adobe, Inc. lan. Pou w kapab sèvi ak dosye PDF yo, w fèt pou genyen Acrobat enstale sou konpitè w lan.
|
