PWOTEJE DWA VOTÈ YO SE RESPONSABILITE NOU
Ak Aksesibilite Vòt pou Grandèt ak Enfim
Ak 1984 Aksesibilite pou Grandèt ak Enfim egzije tout biwo vòt yo aksesib a moun enfim nan eleksyon federal yo. Lè pa genyen yon lokal aksesib disponib pou desèvi kòm yon biwo vòt, yo va mete anplas yon lòt mwayen pou vote jou eleksyon an. Lwa sa a egzije tou disponibilite enfòmasyon pa aparèy telekominikasyon yo pou moun soud (TDDs), ke yo rekonèt tou sou non teletypewriters (TTYs).
- Yo fè tout biwo vòt yo aksesib dapre dè mezi tanporè ou pèmanan ke yo enstale
- Bilten vòt pa korespondans pou moun ki pap la disponib pou tout votè depi demann yo fèt kòrèkteman
- Telekominikasyon Aksesib disponib nan 305-499-8480 (vwa/TTY)
Ak Enskripsyon Votè Nasyonal
Ak 1993 Enskripsyon Votè Nasyonal la, ke yo konnen tou kòm "Motor Voter Act," fasilite tout moun egzèse dwa fondamantal yo pou yo vote. Youn nan rezon fondamantal Ak sa a se pou ogmante kantite enskripsyon ki pami minorite yo ak moun enfim yo ki istorikman toujou ba. Ak Motor Voter an egzije tout biwo pwogram finanse pa Eta a ki angaje prensipalman nan bay moun enfim yo sèvis bay tout aplikan pwogram sa yo fòm enskripsyon votè, ede yo ranpli fòm yo epi soumèt fòm ki fin ranpli yo ba Ofisyel Eta responsab la. Pou plis enfòmasyon, kontakte 305-499-8363.
Enskripsyon Votè yo disponib nan enstitisyon piblik yo ki liste anba la a:
ASISTANS POU MOUN KI BEZWEN SÈVIS ESPESYAL YO
Ak Dwa pou Vote 1965 la ansanm ak tout amannman ki te fèt yo la pou asire ke chak sitwayen ki gendwa vote kapab ni enskri pou vote ni jwenn aksè a biwo vòt li – ni aksè fizik ni aksè a bilten vòt. Aksè fizik enkli non sèlman yon antre aksesib pou rantre nan biwo vòt la, mentou aksè pou rantre nan yon izolwa. Aksesibilite a bilten vòt enkli bilten vòt ki pap diskrimine kont moun ki avèg oswa endividi ki gen pwoblèm vizyon osibyen ke moun ki pa kapab li Angle.
- Tout biwo vòt yo ekipe omwen ak yon (1) Machin ADA iVotronic pou Vote
- Tout votè enfim yo gen opòtinite pou yo vote ak yon Bilten Vòt Pwovizwa elektwonik (manyen ekran)
- Tout bilten vòt optik ak sistèm manyen ekran disponib nan twa lang yo: Angle, Panyòl ak Kreyòl
AKSÈ A BIWO VÒT POU MOUN KI BEZWEN ASISTANS NAN LANG
- Tout biwo vòt yo gen anplwaye bileng pou ede votè yo
- Votè yo kapab chwazi yon moun pou ede yo vote
|
