|
Kiyès ki Anplwaye Biwo Vòt Jou Eleksyon an?
Si w te ale nan biwo vòt Jou Eleksyon, w te wè vwazen w yo kap travay epi w petèt tap mande tèt w kijan pou ta kab travay kòm Anplwaye Biwo Vòt. Gen pliske 5,000 Anplwaye Biwo Vòt ke Sipèvizè Eleksyon yo nonmen nan Konte Miami-Dade la pou asire dè eleksyon jis ak san fòt. Paj entènèt sa a esplike kijan w kapab vin yon Anplwaye Biwo Vòt nan Miami-Dade.
Ki sa pou mwen fè pou mwen kapab vin yon Anplwaye Biwo Vòt?
Se pou w se yon votè enskri nan Konte Miami-Dade epi pou konn li ak ekri Anglè. Yo va egzije pou w resevwa fòmasyon kòm Anplwaye Biwo Vòt.
Ki diferan pòs ki genyen kòm Anplwaye Biwo Vòt?
Grefye a an chaj tout administrasyon nan biwo vòt yo, epi li genyen dè responsabilite adisyonèl anvan jou eleksyon a, tankou kontakte tout Anplwaye Biwo Vòt nan biwo vòt sa a, ranmase tout founiti yo anvan Jou Eleksyon an, enspeksyon tout biwo vòt ak soumèt bilten vòt yo. Asistan Grefye a ede Grefye a nan tout responsabilite li yo, epi kapab menm Grefye enterimè, si li ta nesesè. Enspektè a trete ak votè yo, fè demonstrasyon sou kijan pou vote, emèt bilten vòt epi asire ke votè an vote kòrèkteman. Depite an kenben lòd ak ranfòse lalwa andeyò de zòn kote yap vote a.
Èske yap peye mwen pou travay kòm Anplwaye Biwo Vòt?
Wi.
Ki kalite fòmasyon yo egzije Anplwaye Biwo Vòt la resevwa?
Tout Anplwaye Biwo Vòt oblije resevwa fòmasyon anvan eleksyon yo. Fòmasyon sa a fèt yon mwa anvan jou eleksyon a. Nenpòt ki Anplwaye Biwo Vòt ki pa resevwa fòmasyon anvan eleksyon an pa kalifye pou travay.
Si mwen deja travay nan biwo vòt yo, èske mwen bezwen reyaplike pou chak sik eleksyon?
Depi w fin travay nan biwo vòt jou eleksyon an, dosye w la ap rete aktif epi w pa bezwen aplike ankò. Si w vle konnen si w toujou nan rejis aktif Anplwaye Biwo Vòt la rele biwo nou an nan 305-499-8448.
Kijan map konnen kote mwen pral travay?
Nou eseye deziye tout Anplwaye Biwo Vòt yo nan biwo vòt katye lakay yo si li posib. Si biwo vòt lakay w an ranpli, yap voye al travay nan yon lòt biwo vòt tou pre.
Si mwen pa travay nan biwo vòt lakay mwen, kijan map fè vote?
Tout Anplwaye Biwo Vòt ki travay andeyò biwo vòt lakay yo fèt pou mande yon Bilten Vòt Pa Korespondans Pou Moun ki Pap La epi remèt Bilten Pa Korespondans Pou Moun ki Pap La yo nan biwo nou anvan jou eleksyon an.
Ki orè travay la?
Biwo vòt yo ouvè de 7 a.m. (di maten) a 7 p.m. (diswa). Tout Anplwaye Biwo Vòt fèt pou nan biwo vòt deziye a a 6 a.m. (di maten) nan maten eleksyon an. Jounen an fini pou Enspektè yo ak Depite yo lè envantè tout bilten vòt yo fin fèt epi tout materyo yo anbale. Grefye ak Asistan Grefye an fèt pou transpòte tout bilten vòt yo ba sant koleksyon an. Anplwaye Biwo Vòt yo pa gendwa kite biwo vòt kote yo deziye yo an jou eleksyon a.
|
la, ou kapab ale nan 
