Votè ak Bezwen Espesyal

Konte Miami-Dade pran dè dispozisyon pou asire ke tout moun, enkli votè enfim yo, kapab vote. Chak lokal pou vote va aksesib dapre règleman ADA. Chak lokal pou vote va genyen tou yon aparèy manyen ekran ADA ki ofri yon bilten odyo espesifikman pou votè ki pa wè byen yo oswa ki pa byen konn li.  Pou votè ki enfim yo, aparèy manyen ekran ADA a gen kapasite tou pou li ofri yon bilten odyo manyen ekran ki gide votè a. Pou votè ki vle vote sou nouvo aparèy optik la, izolwa ADA yo va disponib tou nan tout lokal pou vote yo.

Lwa Aksesibilite Vote pou Grandèt ak Andikape
Lwa Aksesibilite Vote pou Grandèt ak Andikape 1984 la egzije lokal pou vote yo fizikman aksesib a moun enfim pou eleksyon federal yo. Lwa sa-a egzije tou ke enfòmasyon yo disponib pa aparèy telekominikasyon pou moun soud yo (TDDs), ke nou konnen tou sou non teletypewriters (TTYs).

• Tout lokal pou vote yo aksesib a moun andikape.
• Vote pa avèk Bilten Vòt pa Korespondans disponib a tout votè sou demann apwopriye.
• Telekominikasyon aksesib disponib nan 305-499-8480 (vwa/TTY)

Lwa Nasyonal Enskripsyon Votè 1993, ke nou konnen tou kòm "Motor Voter Act," rann li pi fasil pou tout moun egzèse dwa fondalnatal vote yo. Youn nan rezon fondamantal Lwa a se pou ogmante to enskripsyon minorite ak moun enfim ki istorikman ba.

Lwa "Motor Voter Act" la egzije tout biwo ki gen pwogram ki finanse pa eta yo epi ki angaje yo prensipalman a bay sèvis a moun enfim, pou yo bay tout aplikan nan pwogram lan yon fòm enskripsyon votè, pou ede yo ranpli fòm lan, epi pou transmèt fòm ki ranpli a bay ofisyèl eta apwopriye a. Pou plis enfòmasyon, kontakte 305-499-8363.

Enskripsyon Votè disponib nan enstitisyon piblik swivan yo:

• Depatman Sikilasyon (Biwo Lisans yo)
• Bibliyotèk Piblik yo
• Sèvis Byennèt Sosyal pou Jèn yo ak Lafami (Biwo Wèlfè yo)

Lwa Dwa Vote 1965 ak amannman ki vin apre yo te kreye pou asire ke chak sitwayen ki gen dwa pou vote kapab ni enskri pou vote ni gen aksè a lokal pou vote ki deziyen pou adrès votè a—aksesib fizikman epi yon bilten vòt ki aksesib.

Aksesibilite fizik enkli non sèlman pou antre lokal pou vote a aksesib, men tou pou li fizikman aksesib pou ale nan izolwa a. Bilten vòt aksesib vle di ke yo pa fè diskriminasyon kont moun avèg oswa ki pa wè byen, ni moun ki pa konn li Angle.

• Tout lokal pou vote ekipe ak omwen yon (1) aparèy vote aksesib ADA.
• Tout bilten vòt ak materyo konsènan eleksyon disponib nan twa lang: Angle, Panyòl ak Kreyòl.

• Lokal pou vote yo gen anplwaye ki bileng pou ede votè yo.
• Votè yo ka chwazi yon moun pou ede yo vote.

Dapre Lwa F.S.101.051, yon votè ki bezwen moun ede li vote pral genyen pou li ranpli yon fòm Deklarasyon pou Mande Asistans (refere nou a echantiyon ki anba la a). Si yon votè ki bezwen yo ede li vote mande pou se yon lòt moun ki pou ede li olye de anplwaye eleksyon an, se pou moun sa a ki pral ede li an ranpli yon fòm Deklarasyon pou Bay Asistans (refere nou a echantiyon ki anba la a).

• Deklarasyon pou Mande Asistans (echantiyon) 
• Deklarasyon pou Bay Asistans (echantiyon) 

Si w pa kapab li dosye PDF la, ou kapab ale nan Acrobat Reader gratis de Sistèm Adobe, Inc. lan. Pou w kapab sèvi ak dosye PDF yo, w fèt pou genyen Acrobat enstale sou konpitè w lan.