Rechèch Manda Biwo Sèvis Tribinal Yo
Si w pa jwenn fòm la, tanpri klike la a Silvouple Pese La
Seksyon Notifikasyon Pwosesis Sivil
Lè Douvèti:Lendi – Vandredi 8è dimaten jiska 5è lapremidi
Avi: Yo pap asepte dokiman pwosè sivil yo apre 4è 45 lapremidi
Telefòn: 305-375-5100
Faks: 305-375-5517
Dispozisyon lòd jidisyè ak manda yo – Tanpri rele 305-375-5100
Anplwaye Biwo Sèvis Tribinal yo pa gendwa bay konsèy legal. Anplwaye biwo yo ap ba nou enfòmasyon sou pyès nesesè pou depoze nan Biwo an epi enfòmasyon sou ka ki deja depoze nan Biwo an pou sèvis. Si se konsèy legal w bezwen, se pou w chwazi avoka pa w.
Lòd Jidisyè ak Manda Non Ranfòsab
Konvokasyon, Notifikasyon 5-Jou, Deklare Byen an Patrimwann Leta , Lòd Jidisyè Pwotektris pou vyolans adomisil,, Avi, Manda Mete Poze Sele Sou Salè, Lòd Jidesyé Pou Konparèt nan Tribinal, Avi sou Enpo sou Lavant, Manda Konparisyon, ak tout lòt pwosesis ki pa ranfòsab ki mande sèvis sèlman.
Frè Sèvis: $20.00 pou chak sèvis. Ak yon anvlòp tou adrese ak tout tenb sou li.
Pyès Nesesè yo: Orijinal oswa kopi sètifye, yon kopi konfòm ak dokiman ki akonpaye yo/plent yo pou chak pati oswa antite pou sèvi manda yo.
F.S. 30.231 (3).
Andeyò Eta a
Biwo sa-a ap sèvi pwosesis la dapre Lwa Eta Florid yo amwenske yon lèt byen espesifik ak tout enstriksyon akonpaye dokiman yo.
Frè Sèvis: $21.00 pou chak sèvis
Tout frè pwosesis andeyò Leta a ki pa egzijib nan Florid men ki nesesè nan Eta orijinè ka-a.
Frè Adisyonèl:
Sèvis pèsonèl $44.00
Afidavi $15 (ki fèt pou soumèt)
Notarye $ 5.00
Pou Plizyè Manda/Plizyè Non
Avèk Pledwari Inisyal yo
Si w te deja peye frè sèvis sou dokimantasyon orijinal yo, pap gen oken frè adisyonèl pou sèvi dokiman sa-a. Si se yon diplikata ekzak dokiman orijinal, se pou yon kopi ansyen “return of service” la (resepise) fèt pou akonpaye plizyè manda yo ak non yo.
Amannman mande pou peye yon frè
Chak dokiman pou sèvi fèt pou bay anplasman fizik byen espesifik ak adrès.
Frè pou Sèvi Dokiman pa Ranbousab
ANWO
Manda Sivil Ranfòsab yo
Tout dokiman fèt pou sòti swa nan oubyen orijinè nan Eta Florid.
Yap chaje $40.00 lè pou tout pwosesis ranfòsab ki pran pliske inèdtan pou egzekite. Si sa yo te estime a pa egzak , yap fè w peye yon sipli sou depo orijinal la. Sèvis eksprès disponib e tout ajan ki enterese kab kontakte (305) 375-5100 pou lis frè.
Lòd Jidisyè Pou Reprann Domèn
Frè Total:: $95.00 pou Lòd Jidisyè
Plis yon anvlòp deja adrese ak tout tenb sou li
Ekzijans Pwopriyetè/ Lokatè:
Lòd Jidisyè Orijinal, 1 kopi konfòm.
Ekzijans Poze Sele:
Lòd Jidisyè Orijinal, 1 kopi konfòm.
Tout lòd jidisyè pou reprann domèn fèt pou genyen non ak nimewo telefòn Pwopriyetè an/Ajan Otorize ki pral rankontre cherif la All Writs of Po epi asepte reprann domèn lan.
Lòd Jidisyè An Favè Pleyan
(Replevin)
Pyès Nesesè yo: Orijinal manda a 1 kopi konfòm. Manda a fèt pou li genyen adrès pwopriyete moun ki dwe pleyan ak non moun pou yo remèt pwopriyete an sou plas. Pleyan fèt pou li bay tout aparèy ak men dèv nesesè pou egzekite lòd jidisyè an favè pleyan an.
Frè: $70.00 Plis yon anvlòp deja adrese ak tout tenb sou li
Si w vle ke yo sèvi yon manda an menm tan ke yo sèvi Lòd Jidisyè an Favè Pleyan an, w fèt pou peye yon frè adisyonèl pou yo sèvi manda a.
Frè Sèvis: $20.00 pou chak manda
Lòd Jidisyè Poze Sezi
Pyès Nesesè yo: Kopi Sètifye Manda a ak yon kopi konfòm, Enstriksyon sou byen ke yo pral sezi a, deskripsyon byen ki anba lòd jidisyè poze sezi an ak anplasman li.
Frè: jiska $70.00 depo frè gendwa egzijib. Plis yon anvlòp adrese ak tout anvlòp.
Manda Egzekisyon
Frè: $70.00 pou chak Manda
Enstriksyon sou byen ki pral sezi: Fèt pou peye Frè Depo. Fòm enstriksyon sou byen ki pral sezi yo disponib nan Biwo Sèvis Tribinal la.
- Frè depo fèt pou peye davans - FSS 30.231(3)
Machinn............................................................$540.00
Enstriksyon sou lòd jidisyè poze sezi yo fèt pou akonpaye pa dosye Biwo Sikilasyon (DMV), ki disponib jis ekri “Department of Motor Vehicle” , Neil Kirkman Building, Tallahassee, FL 32301. Non ki sou dosye “DMV” a fèt pou yo matche ak sa ki sou Manda Egzekisyon EGZAKTEMAN. Sinon, ou fèt pou soumèt yon Affidavi ki menm Non, “Affidavit of Same Name” ki deklare rezon ki fè w kwè ke tou lè de se menm.
- Imobilye..............................................................$540.00
Frè Rejis (Peyab a Grefye Tribinal la). $6.00
Enstriksyon Lòd Jidisyè poze sezi a fèt pou genyen ladann yon adrès lari regilye pou pwopriyete a. Si lokal la se yon teren vid, se pou soumèt eksplikasyon anplasman byen espesifik pwopriyete a. Ou fèt pou anrejistre yon Kopi Sètifye Denye Jijman devan Grefye Tribinal Awondisman an pou etabli priyorite. Yon deskripsyon legal pwoprieyte a fèt pou akonpaye yon kopi sètifye papye pwopriyete a.
- Avyon/Bato/Byen Imeb yo/Envantè Biznis, Eks.
Yo deside sou Frè Depo bagay sa yo grenn pa grenn. Rele pou verifye montan an epi pou genyen disponib tout deskripsyon ki gen pou wè ak lòd jidisyè poze sezi a: kalite byen pèsonèl la, anplasman li, ki kantite byen pèsonèl ki pou sezi, eks.
Frè Depo sa yo se yon montan apwoksimatif ( Frè cherif yo, Frè remòkaj ak Frè antrepo, Frè piblisite yo, Frè anrejistreman, eks.) ki fèt sou lòd jidisyè poze sezi a . Si frè aktyèl yo ta depase frè depo yo, Pleyan an ak/oswa Avoka a kap egzekite lòd jidisyè poze sezi a ap responsab tout lòt frè adisyonèl yo.
ANWO
Manda Sivil, Lòd Jidisyè pou Entène, Manda yo, Manda Damne yo, Eks.
Tout Manda ki sòti de yon Konte andeyò Miami-Dade FÈT pou vinn jwenn biwo nou an an pasan pa Biwo Polis jidisyè (Sherif'f) ki konte kote yo soti a.
Frè: $70.00 pou chak Manda
Tout Manda Depatman Kontribisyon: Zewo Frè
Tout Manda ki fèt pou Sèvi nan Konte Miami Dade la.
Pyès Nesesè yo: Frè: $70.00
De (2) Kopi Sètifye Lòd la
De (2) Kopi Konfòm
Chèk peyab a lòd Polis Jidisyè (Sheriff) Konte Miami Dade
Paj Enfòmasyon:
Fèt pou bay adrès, dat de nesans, ak deskripsyon moun la (pa egzanp., ras, seks, etc.).
Manda pou Voye ba Nenpòt Lòt Konte
Pyès Nesesè yo:
Frè: $70.00
De (2) Kopi Sètifye Lòd la
De (2) Kopi Konfòm
Chèk peyable a lòd (Police Jidisyè) Sheriff Konte Miami Dade
Paj Enfòmasyon:
Fèt pou bay adrès, dat de nesans, ak deskripsyon moun la (pa egzanp., ras, seks, etc.).
Manda Sivil Damne yo fèt pou akonpaye de frè adisyonèl egzije pa Biwo Polis Jidisyè (Sheriff) ki pral sèvi Manda a F.S. 30.231 (2).
Tanpri, pou tout kesyon kontakte:
Miami-Dade County Sheriff's Office
Civil Section
140 West Flagler Street, Room 801
Miami, Florida 33130-1561
Telephone: (305) 375-5100
ANWO
Biwo Sèvis Tribinal – Seksyon Pwosesis Sivil
Kijan pou Touche sou Jijman an Favè w an
Jijman final la se desizyon final jij la nan ka jan li parèt nan rejis dosye ki nan biwo Grefye Tribinal la. Responsabilite touche sou jijman sa se responsabilite pleyan an. Grefye yo, Biwo Polis Jidisyè (Sheriff) la, Jij yo ak Sekretè Jij yo pa kab bay konsèy legal . Wap jwenn asistans legal nan pwogram “Put Something Back” Avoka Volontè Konte Miami Dade yo nan (305) 579-5733 ou pase pa bawo Avoka Florid la nan - 1-800-342-8011.
Pyès Nesesè pou touche sou Jijman an
Faz1: Sètifye Jijman ou lan
Ki premye bagay ke w gen pou fè?
Se pou w leve yon kopi sètifye jijman final w an nan lokal kote ka w la te jije.
Konbyen yon kopi sètifye jijman final koute?
Li koute $1.00 pa paj kopi plis $1.00 pou sètifikasyon.
ANWO
Faz2: Anrejistre Kopi Sètifye a:
Ki sa ki pou fèt ak yon kopi sètifye de yon jijman?
Pote kopi sètifye jijman ou lan nan Biwo Grefye Tribinal Awondisman an, Seksyon Rejis, Recording Section, 22 NW 1st Street, Miami, Florida, epi fè yo anrejistrel .
Konbyen sa koute pou anrejistre yon jijman?
Li koute $6.00 pou premye paj la epi $4.50 pou chak paj adisyonèl.
Pou konbyen tan yon jijman anrejistre valab?
Imobilye (Pwopriyete pèmanan, pwopriyete ki pa deplasab, kankou teren ak bilding yo)
- Si pou premye fwa yo anrejistre kopi sètifye a aprè 1 jiyè, 1994, lè sa a Jijman an , lòd jidisyè a, oswa dekrè a ap yon poze sele nan konte sa a pou premye peryòd de 10 zan apati de dat li anrejistre a . §55.01(1), Fla. Stat. 2001.
- Sa se yon chanjman de vèsyon lwa § 55.01 2000 la, ki te bay yon premye peryòd de 7 an
- Si kopi sètifye te anrejistre pou premye fwa ant le 1ye jiyè 1987 ak 30 jen, 1994, lè sa a jijman, lòd jidisyè a, oswa dekrè a va rete yon poze sele nan konte sa a pou yon premye peryòd de 7 an apati de dat li anrejistre a.
- Ou kab ralonje dat poze sele a pou yon 10 zan adisyonèl jis anrejistre yon kopi sètifye jijman an, lòd jidisyè, oswa dekrè a anvan dat ekspirasyon poze sele a oswa dat ekspirasyon poze sele ralonje a epi an menm tan anrejistre yon affidavit ak denye adrès ajou moun ki jwenn poze sele a nan rezilta jijman an, lòd jidisyè a, oswa dekrè a. §55.01(2), Fla. Stat. 2001.
- Mèzalò, daprè dispozisyon nan lwa §55.01, okenn jijman, lòd jidisyè, oswa dekrè okenn tribinal va rete yon poze sele sou imobilye nan eta a aprè 20 an fin pase apati de dat yo te anrejistre jijman an, lòd jidisyè a oswa dekrè a.
Byen Pèsonèl (Aparèy, machinn yo, atik koleksyonè yo, meb, envantè, bato yo, etc…):
- Jijman poze sele sou byen pèsonèl pa valab anko 5 an aprè dat anrejistreman sètifika jijman poze sele a lwa §55.204(1), Fla. Stat. 2001.
- Nan 6 mwa anvan ou aprè ekspirasyon jijman poze sele sa, Kreyansye jijman kapab jwenn yon dezyèm jijman poze sele jis pa depoze yon nouvo sètifika jijman poze sele. Dezyèm jijman poze sele a ekspire an pèmanans epi li pa valab 5 an aprè dat depozisyon an, epi tou, ou pap kab jwenn okenn poze sele adisyonèlbaze sou premye jijman a §55.204(3), Fla. Stat. 2001.
Ki benefis wap jwenn nan anrejistre jijman an?
Lè w anrejistre jijman ou lan, wap jwenn yon poze sele sou nenpòt imobilye moun ki dwe w la ni kounyen a, ni nan lavni nan konte Miami-Dade.
Ki lòt kote w ta fèt pou anrejistre jijman ou la?
Ou ta gendwa anrejistre jijman ou la nan nenpòt lòt konte kote moun ki dwe w a gen byen.
ANWO
Faz3: Egzekisyon Jijman Poze Sele:
Apati di 1ye oktob, 2001 tout jijman poze sele yo fèt pou anrejistre avek Depatman Deta pou yo kapab egzekite. Manda Egzekisyon ki depoze nan biwo Polis Jidisyè (Sheriff) anvan le 1ye oktob, 2001 ap gendwa egzekisyon jiska 1ye oktob 2003. Disi 1ye oktob 2003, tout jijman poze sele ki te fèt yo oblije anrejistre ak Depatman Deta a epi nenpòt poze sele ki pa anrejistre konsa ap konsidere pèdi.
Kouman pou anrejistre yon poze sele?
Yon fwa ke w jwenn jijman ou an, lè w anrejistre sètifika jijman poze sele ak Depatman Deta a wap jwenn egzekisyon jijman poze sele w an.
Kote pou jwenn Sètifika Jijman Poze Sele?
Sètifika jijman poze sele a disponib nan sou sit web Entènèt Depatman Deta a, nan www.sunbiz.org. Yon fwa w sou sit web la, clike sou “Download Filing Forms” apre “Judgment Lien Certificate and Amendment Forms” apre jwenn “Judgment Lien Certificate”. Ranpli fòm Sètifika jijman poze sele a. Adrès lapòs pou voye sètifika jijman poze sele a se:
Department of State
Division of Corporations
Judgment Liens
P.O. Box 6250
Tallahassee, FL 32314
Phone: (850) 245-6039.
ANWO
Faz 4: Fondamantal yo sou Manda Egzekisyon:
Kisa ki yon Manda Egzekisyon?
Manda Egzekisyon an di Polis Jidisyè-a sezi pwopriyete moun ki dwe a pou satisfè jijman ki fèt an favè w an.
Kilè pou pran Manda Egzekisyon a?
Di (10) jou aprè Tribinal la anrejistre desizyon jijman an, sou demann pa w Grefye a ap lanse yon Mada Degzekisyon. Mèzalò, si moun ki dwe a depoze a le egzijib pa tribinal la nenpòt demann aprè jijman se pou tann jiskaske tribinal la tranche sou demann liya anvan wap kab jwenn yon Manda Egzekisyon.
Kote pou al pote Manda Egzekisyon a?
W pral pote manda a nan biwo polis jidisyè a (sheriff ) nan konte kote byen a sitiye.
Kisa w bezwen ak Manda Egzekisyon a?
Ansanm avek Manda Egzekisyon an, se pou soumèt ba biwo polis jidisyè a (Sheriff ) yon fòm “Enstriksyon pou Poze Sezi” ki genyen yon deskripsyon ak anplasman pwoprieyte moun ki dwe w a.
ANWO
Faz5: Tcheke pou Poze Sele ki deja egziste:
Anvan vant pwopriyete a, ou fèt pou tcheke sit web entènèt Depatman Deta a.
Kijan pou tcheke pou poze sele ki deja egziste yo?
Ale sou www.sunbiz.org, pou wè si pa gen okenn jijman poze sele ki te anrejistre sou menm non moun ki dwe w la ki nan jijman avek ou.
Ki lòt bagay pou tcheke?
Se pou tcheke tou si kreyansye yo deja depoze yon poze sele daprè Kòd Lwa Komesyal la ak tout sekirite sou entèrè byen moun ki dwe w la “Uniform Commercial Code (UCC)” .
Ki sa pou fè aprè w finn tcheke konfli denterè?
Lè sa a remèt polis jidisyè a (cherif) yon affidavit siyen ak lis non yo, adrès yo, ak dat depozisyon chak moun ki anrejistre yon jijman poze sele oswa sekirite enterè UCC.
Ou fèt pou avize tout moun sa yo lè ak lokal kote vant la ap fèt.
ANWO
Faz6: Notifikasyon an di fòm:
Sak pase apre yo finn mete poze sele sou byen yo?
Kou yo finn mete poze sele sou byen yo, yo mete yo nan antrepo ofisyèl asire. Yo etabli yon vant polis jidisyè (Cherif Sale) epi tou yo pibliye dat vant la nan jounal lokal.
Koman yo fè vant la?
Nan lè ak lokal deziye a, polis jidisyè a (cherif) va vann pwopriyete a nan vant ozanchè. Patisipan ki mize plis kob la va soumèt peyman ba polis jidisyè (cherif la) epi ap vinn pwopriyete byen a.
Depandan de done ka a, gen lòt mwayen pou touche sou jijman yo sa enkli sijè ki ekri pi ba la a. Pou plis enfòmasyon sou sijè sa yo, tanpri ale sou Florida Legislature website .
- Manda Damne (F.S.S Chapter 76)
- Manda pou poze sezi sou salè (F.S.S Chapter 77)
- Manda pou Poze Sezi (F.S.S Chapter 78)
Biwo Sèvis Tribinal – Seksyon Pwosesis Sivil
Règleman sou Aksepte Peyman
Depatman Lapolis Miami-Dade rezève dwa li pou refize aksepte yon sèten fòm peyman nan nenpòt ka, oubyen de nenpòt endividi oswa konpayi. Si ta gen okenn kesyon oubyen dout ki soulve, desizyon Biwo Sèvis Tribinal la final. Men nan ki fòma peyman yo kapab fèt:
KASH:
Lajan Ameriken sèlman
Manda Monetè yo (Money Orders):
Fèt pou gen non, adrès, ak nimewo telefòn moun kap peye a. Si se yon konpayi oswa ajans gouvènman, se pou non ajan an oswa pèsòn responsab la parèt sou money order la.
Chek yo:
Depatman Polis Miami-Dade pap aksepte okenn chèk nan men okenn moun ki gen dosye abitid fè move chèk.
Yo asepte kalite chèk sa yo sèlman:
- Tout chèk ajans gouvènman pwodui, ki fè pati de yon branch gouvènman ki chita andedan Lèzetazini Damerik la.
- Chèk Labank yo
- Chèk konpayi yo ki soti nan yon kabinè avoka yo.
- Chèk pèsonèl ak konpayi kote mèt kont yo fizikman chita andedan Konte Miami-Dade. (Okenn bwat postal pa akseptab)
Tout chèk yo fèt pou:
- Genyen sou li non ak adrès moun kap peye a. Si se yon konpayi oswa ajans gouvènman, se pou non ajan oswa moun responsab la ekri sou chèk la tou.
- Genyen nimewo telefòn kontak pou moun kap peye oswa reprezantan liya
- Genyen ekri pa devan chèk la ekri sou li tit/non ka a.
Biwo Sèvis Tribinal- Seksyon Pwosesis Sivil
Delòjman yo
Lwa yo ki kontwole lokasyon residansyèl chita nan Chapit 83 Lwa Leta Florid yo Florida State Statutes. Chapit sa a etabli egzijans yon pwopriyetè fèt pou suiv pou li kab legalman deloje yon lokatè.
Avi: Paj web sa a etabli poul bay enfòmasyon sou delòjman residansyèl pou non peyman lwaye sèlman. Lwa, chanje detanzantan. Kidonk, enfòmasyon ki sou fòm etabli nan chapit la gendwa pa ajou ankò. Li rekomande, menm si wap cheche konsèy nan men yon avoka, ke w ale revize sous enfòmasyon otorite (lwa eta yo ak tout règleman pwosesis sivil sou menm sijè a) pou asire ke tout fòm yo korèk epi tou enfòmasyon yo a jou.
Depatman lapolis miami-dade pa responsab pou okenn dega dirèk, endirèk oswa pa aksidan ki ta rezilta jan ou sèvi ak paj sit web sa a.
Grefye Tribinal yo
Lo fòm delojman Pwopriyete/Lokatè, ki gen fòm ki sèvi nan delòjman residansyèl pou non peyman lwaye, disponib nan Biwo Grefye Tribinal yo.
Pou depoze yon ka delòjman, ou fèt pou bay Biwo Grefye Tribinal yo Clerk of the Courts Office kantite fòm ki nimewote anba la ranpli davans:
- 3 kopi: Avi Twa Jou (yon orijinal enkli nan lo fòm yo)
- 1 Orijinal ak 2 kopi: Fòm Plent pou Deloje Lokatè a (yon orijinal enkli nan lo fòm yo)
- 1 kopi pou lokatè an
- yon kopi plent la
- kopi pou Tribinal la
- yon orijinal ak 2 kopi: Notifikasyon senk jou a (genyen twa nan lo fòm yo)
- Yon anvlòp ak tout tenb adrese a lokatè a
- $135.00 dolà frè pou depoze plent la (kash, chèk, Visa/MC)
- $20.00 frè polis jidisyè (cherif) pou chak sèvis nan notifikasyon senk jou a (kash, chèk, Money Order). Ou gen chwa tou pou anplwaye yon uisye sètifye endepandan. Preyavi twa jou a kapab livre sou pwopriyete a menm oswa pa lapòs. Apre twa jou, yo pa enkli jou resepsyon preyavi a, plent pou deloje lokatè ak notifikasyon senk jou a gendwa depoze nan men lokatè a. Si premye de fwa ke yo eseye sèvi lokatè a pat reyisi, yo gendwa poste dokiman yo sou kay la menm. Si lokatè a pa demenaje de kay la oswa li manke pa reponn notifikasyon an nan tan lalwa bali poul reponn la (senk jou san konte jou ke yo te sèvil la oswa postel la, oswa samdi yo, dimanch yo, oswa jou ferye yo), ou pral bezwen fòm demann jijman pou non konparisyon. Li menm tou w kapab jwenn li nan Biwo Grefye Tribinal yo epi men sa li gen ladann:
- Affidavi de non peyman lwaye (Egzijib Orijinal Notarye)
- Affidavi non-militè (Egzijib Orijinal Notarye)
- Demann pou jijman non konparisyon ak jijman final la (Orijinal)
- Jijman final pou deloje lokatè (Orijinal + 2 kopi)
- Manda ki Otorize repran pwopriyete a (Orijinal + 2 kopi)
- Se pou soumèt tou de anvlòp ak tout tenb (youn adrese a tèt ou epi youn adrese a lokatè a)
- Se pou soumèt tou yon chèk oswa money order pou $95.00 dolà peyab sou lòd “Miami Dade County Sheriff”. Se pou chèk la sòti de yon enstitisyon bankè ki nan konte Miami-Dade epi se pou li deja genyen sou li enprime non ou ak adrès ou.
Un copy pour moun ki pote plent lan nan tribunal la.
Un copy pour tibunal la
Biwo Sèvis Tribinal- Seksyon Pwosesis Sivil
Manda Jidisyè Pwotetris kont Vyolans Adomisil
Vyolans Adomisil se yon Krim!
Pyès moun, pa menm moun ki abite ansanm avek ou gendwa bat ou oswa menase w ak okenn vyolans! Konesans ou sou dwa legal ou avek lòt chwa ke w genyen se premye pa pou fini ak abi sa a!
Si yon manm fanmi w oswa yon moun lakay w ap fè w abi fizik oswa seksyèl, oswa menase w, oubyen w kwe ke w an danje pou yal fè w abi……. chache sekou!
- Lalwa pwoteje w si w jwenn abi oswa menas nan men mari/madanm w, ansyen mari/madanm, oswa nenpòt lòt moun nan fanmi w ki abite kounyen an oswa ki te abite nan menm kay avek ou.
- Lalwa pwoteje w de abi ke yon moun ke w ta fè yon pitit avèl san maryaj ke nou abite ansanm ou pa.
- Ou pwoteje anba lalwa ke w marye ou pa oswa se fanmi moun kap fè w abi a.
Lalwa Di:
Si w se viktim vyolans adomisil, ou gendwa mande Avoka Eta a depoze yon plent kriminèl (akizasyon) jis rele (305) 547-0150.
Ou gendwa al nan tribinal tou epi depoze yon petisyon kap mande yon lòd jidisyè pwotektris kont vyolans adomisil ki enkli, men pa limite a, ki mete de dispozisyon an plas ki fè moun kap abize a sispann poze zak abi; bay moun kap abize w la lòd poul degèpi de lakay w a; defann moun kap abize w la antre andedan lakay w, lekòl, biznis, oswa kote w travay la; ba w gad titèl timoun minè (yo); epi odòne moun kap abize w an peye w lajan pou sipòte ou menm ak nenpòt timoun anba zaj si moun kap abize a gen obligasyon legal sa a.
Sonje Byen!
Si yon endividi fè w abi fizik oswa seksyèl, oswa si w gen okenn rezon pou pè ke moun sa a pral fè vyolans sou w, lalwa Florid ba w dwa pou fè yon jij pase LÒD pou ke abi a FRENNEN SÈK.
Biwo Sèvis Tribinal – Seksyon Pwosesis Sivil
Sèvis Dijans
Pafwa, plenyan an kab mande sèvis priyoritè pou ka ke yo konsidere ijan. Kòm sèvis piblik, Biwo a gen yon sistèm, ke yo rele Sèvis Aprè Lè pou kab sèvi dokiman baze sou travay lè simplemantè frè peye pa plenyan an.
Sèvis Aprè Lè sa a (AHS) se yon sèvis piblik ki disponib nan Depatman Lapolis Miami-Dade la. Se yon sèvis totalman volontè disponib a plenyan an oswa ajan kab mande kalite sèvis sa a.
Sèvis Aprè Lè sa a se pa yon sèvis ak garanti. Se yon antant ke dokiman yo pral jwenn sèvis ekspeditè epi yo va fè yon tantif pou sèvi dokiman yo pandan è siplemantè yo. Sèvis la disponib daprè disponibilite pèsonèl epi suivan lwa Florid yo Florida State Statutes.
Yon tantativ Sèvis Aprè Lè komanse menm moman endividyèl kab sèvi dokiman an kite biwo a ak dokiman an. Lè aksyon sa a fèt, frè sèvis aprè lè a pa ranbousab.
Frè Sèvis Aprè Lè yo
Frè AHS yo se yon frè an plis de frè nòmal de frè polis jidisyè (cherif) mande pou sèvis
- Egzekisyon yo: $480 (Gade AHS Notifikasyon Frè)
- Posesyon:
- Poste Aprè Lè $160
- Delòjman Final AHS $480
- Tout dokiman ki pa ranfosab $160
Nòt Frè AHS
Frè pou egzekite yon dokiman ajistab an plis si gen nesesite pou plis ke de anplwaye travay sou li, daprè sikonstans ka a. Si sa ta nesesè, tab peyman an mande pou $240 peye pou chak ofisye an plis pou chak peryòd kat è de tan oswa nenpòt lè nan kat è de tan an.
Biwo Sèvis Tribinal – Seksyon Pwosesis Sivil
Kondisyon Vant Polis Jidisyè (Sheriff’s Sale )
Osito lavant la komanse kondisyon lavant la pa gendwa chanje. Yo konsidere ke vant la komanse osito avan vant la ap komanse. Lè sa a, plenyan pa gendwa anile vant la oswa chanje kondisyon pou vant la (Separe atik yo pou vann an detay).
Tout atik gendwa anile nan vant la nenpòt lè anvan vant la komanse. Tout sa ki anile yo ap fè pati anons vant la. Tout vant sijè ak tout e nenpòt lòd poze sele oswa anpechman. Se pa responsabilite Biwo Polis Jidisyè a pou detèmine si okenn lòd jidisyè poze sele oswa anpechman egziste, e si yo konnen li ni pou devwale enfòmasyon sa yo.
Nenpòt ki moun ki gen jijman poze sele nan menl ki ta renmen anonse egzistans lòd poze sele a ap gendwa fè sa lè yo mande pou vant atik la fèt, depi li avize Komi Vant la ke li ta renmen fè yon anons anvan vant Polis Jidisyè a komanse. Tout anons yo limite a devwale egzistans lòd poze sele epi ak montan poze sele a. Moun ki gen jijman poze sele ki pa fè konnen sa yo vle avan vant Polis Jidisyè a pap gendwa fè anons ad hoc.
Nenpòt moun, andeyò de plenyan an, ki ta vle mize, fèt pou konplete fòm Rejis Enfòmasyon Moun kap Mize yo (BIR) anvan lavant la. Moun kap mize a ap soumèt fòm la ba Komi Vant la lè yo fè premye òf la. Tout moun ki vini kòm ajan fèt pou ranpli yon fòm separe BIR pou chak endividi/òganizasyon ke lap reprezante, e fèt pou deklare ki antite yo reprezante lè yap mize.
Dokimantasyon (Ak de Vant, Otorizasyon Notarye Cherif, resi, etc.) ap fèt sou non ki ekri nan BIR la. Si plenyan an genyen òf la, dokimantasyon yo ap fèt sou non jan li ekri sou jijman an oubyen sou non moun ki sou jijman an.
Premye avek tout òf kap suiv yo fèt pou enkli non moun kap mize a jan li ekri nan BIR la ansanm ak montan òf la.
Moun kap mize a gendwa retire òf liya nenpòt lè anvan yo vann li pwopriyete a. Moun kap mize pakapab, amwens ke ta gen enjistis oswa fwòd, retire òf liya aprè pwen sa a. Si sa ta fèt, yo va entèdi moun kap mize pou li kontinye fè òf nan ni vant sa a ak tout lòt òf nan lavni.
Moun kap mize ki reyisi fè acha a fèt pou depoze yon minimòm de 10 pousan, non ranbousab, imedyatman aprè vant la. Peyman total la gen pou fèt an antye anvan 2:00 de laprè midi menm dat vant la oswa yap sezi depo lajan an an fòfè. Tout peyman fèt pou fèt kash oswa an chèk bankè eksepte si aranjman te fèt davans ak Komi Vant la. Yo va pran an konsiderasyon demann pou chanje fòm peyman yo ka pa ka. Nan okenn sikonstans yo pap aksepte chèk pèsonèl.
Tout vant sijè a taks sou la vant Florid, daprè lwa Florid yo. Yap touche taks sou lavant anplis de montan òf la.
Achtè a fèt pou peye frè antrepo yo direkteman a konpayi ki kenbe atik yo. Yap anonse frè Antrepo yo omoman yo anonse atik kab vann la.
Biwo Sèvis Tribinal – Seksyon Pwosesis Sivil
Definisyon yo
Pwosesis Ranfòsab
Tout pwosesis ki gen ladann mo ki pèmèt oswa bay lòd pou polis jidisyè a aji, obyen nan sèten ka ofisye fòs de lòd yo.
Tip Manda ki Ranfòsab yo:
Manda
Bay lòd pou polis jidisyè a pran pwopriyete sou kontwòl li pou pwotejel annatandan plis lòd nan men tribinal la. fss chapit 76
Manda Damne
Bay lòd ba polis jidisyè a pou li mennen yon moun devan yon sèten jij. Wi ou non li gendwa enkli lòd nesesè pou mete moun andedan prizon si jij la pa disponib.
Manda pou Sezi Byen
Anpeche yo retire byen an de anplasman an epi aprè sa li pase lòd poul ale sou kontwòl polis jidisyè a pou evite dega posib oswa ke yo retire byen yo pou pwoteje entère plenyan an. Lòd adisyonèl tribinal la kab enkli poze sezi ak dwa pou polis jidisyè a vann byen a. fss chapit 83.
Egzekisyon
Pase lòd ba polis jidisyè pou mete poze sezi sou pwoprieyte a daprè desizyon yon jijman. fss chapit 55 - 56.
NE Exeat
Entèdiksyon depa. Moun la pa gendwa kite zòn geyografik jiridiksyon tribinal la.
Lòd Dirèk Tribinal la
Odòne polis jidisyè a poze yon ak espesifik.
Lòd pou Sezi Byen
Odòne polis jidisyè a pou sezi yon byen epi transferel imedyatman ba plenyan an.
Manda Kontribisyon
Dwa Polis Jidisyè poul touche sèten taks.
Biwo Sèvis Tribinal – Seksyon Pwosesis Sivil
Kesyon yo plis poze
K. Ki kote pou mal depoze dokiman ka mwen a?
R. Tout dokiman fèt pou depoze nan Biwo Grefye Tribinal Yo.
K. Kouman mwen pral fè konnen si yo travay sou kam la oswa yo pako sèvi dokiman yo.
R. Yon fwa yo finn sèvi dokiman yo oswa yo pa sèvi dokiman yo, yon resepise ap vinn jwenn plenyan nan adrès kel te bay sou dokiman yo pa lapòs. Plenyan kapab rele Biwo Sèvis Tribinal la nan (305) 375-5100 pou mande yo fè yon tchèk sou demann liya pou li konnen nan ki pwen li rive.
K. Eske yap ranbousem pou dokiman ki pa rive sèvi?
R. Daprè lwa Florid 30.231 tout frè ki touche pa ranbousab e va konsidere de dwa depi lè yon demann oswa yon sèvis orijinal fèt, epi okenn frè adisyonèl pap nesesè pou lòt dokimantasyon ki sou lòt non lè yo pat sèvi sou dokiman orijinal la nan konte sa a pa polis jidisyè sa a.
K. Eske mwen oblije peye pou yo fè yon lòt tantiv pou sèvi sou ka a ke Biwo Sèvis Tribinal la pat sèvi?
R. Non. Tcheke repons kesyon nimewo 3 a.
ANWO |
