Rete anndan kay, nan pyès oswa nan kote ou te chwazi pou pran refij la. Fèmen fenèt yo, pòt yo, ak bouch vantilasyon yo byen.

Fè tout moun nan fanmi w, ak bèt lakay ou rete la avèk ou.

Mete twouso atik pou ijans la nan kote sa a.

Pou yon siklòn oubyen yon toubiyon, pwoteje tèt ou ak yon matla oswa lòt bagay ki boure.

Si se yon dife ki pran nan yon rakbwa, mete lè kondisyone a/sistèm vantilasyon yo an mach [ON]; mete yon twal mouye devan nen w pou respire.

Si se yon danje chimik, radyolojik, oswa byolojik, sèvi avèk bann plastik ak riban adezif pou kannalizasyon, pou sele pòt yo, fenèt yo, ak bouch vantilasyon yo. Etenn vantilate ak aparèy lè kondisyone yo [mete yo sou OFF].

Pa sèvi avèk aparèy ki mache ak gaz, ni ak pwopàn, ni ak kewozin; vapè yo kapab toksik.

Koute radyo oswa gade televizyon pou resevwa dènye enfòmasyon sou ijans lan.

Rete anndan kay la jouktan ou tande direktiv ki di danje a pase ["all clear"] oswa direktiv pou fè yon lòt jan.