Tiraj vityèl Lotri Mezon de Rèv Konte Miami-Dade

Lojman Piblik ak Devlopman Kominotè Konte Miami-Dade (PHCD) pral òganize yon tiraj vityèl pou Lotri Mezon de Rèv la nan dat vandredi 6 septanm. Nou envite rezidan yo tou vin patisipe an pèsòn nan Bibliyotèk Prensipal Konte Miami-Dade ki lokalize nan 101 West Flagler Street, Miami, FL 33130

Nou te aksepte aplikasyon pou Lotri Mezon de Rèv yo soti 24 jiyè rive 7 out 2024, e te gen yon total 23,483 aplikasyon ke rezidan yo te soumèt avèk siksè.

Lotri sa a bay rezidan Konte Miami-Dade opòtinite pou achte youn nan de kay ki fèk bati e ki nan 15300 SW 296 Street, Miami, FL 33033. Chak kay genyen 4 chanm a kouche ak 2 sal de ben. Pou asire yon ekite, tiraj la va fèt apati yon pwosesis seleksyon oaza sou òdinatè pou seleksyone dis aplikan pami moun ki te soumèt done pa yo sou entènèt pandan peryòd aplikasyon an.

Dis aplikan seleksyone sa yo va klase de 1 a 10. Aplikan ki klase #1 ak #2 yo va pase nan pwosesis finansman ak siyati dènye papye acha a pou yo vin pwopriyetè. Si youn oubyen lòt pa anmezi pou li jwenn finansman nan tan espesifye a, nou va konsidere pwochen aplikan ki klase tousuit apre a, nou va kontinye pwosesis sa a jiskaske toude kay yo vann.

Pou plis enfòmasyon sou pati lavant pwosesis la, vizite www.miamidade.gov/housing/dreamhomes