Miami-Dade ankouraje rezidan ak biznis ki afekte nan inondasyon yo pou yo ranpli yon Sondaj pou Evalyasyon Domaj

Jodi a, Depatman Jesyon Dijans (DEM) Konte Miami-Dade te aktive yon zouti Sondaj pou Evalye Domaj, Crisis Track, an repons a evènman inondasyon yo ki sot pase nan plizyè zòn Konte Miami-Dade. Zouti sondaj sa a va ede biznis ak moun yo dokimante kantite ak tip domaj yo te sibi pandan evènman inondasyon semèn pase a. Enfòmasyon nou rasanble atravè sondaj sou domaj sa a va potansyèlman ede konekte moun ke inondasyon te afekte ak sèvis oswa resous adisyonèl.

Tanpri, sonje ke done nou kolekte atravè pwosesis sondaj sa a fèt pou sèvi pou alokasyon resous ak pou soulajman sèlman. Rapòte domaj sou pwopriyete w oswa biznis ou atravè se pa yon fason pou fè reklamasyon asirans. Pou reklamasyon asirans, tanpri asire ke ou kontakte founisè sèvis asirans pwopriyetè kay ou a.

Repons sondaj yo va pèmèt Eta a akselere efò rekiperasyon apre inondasyon yo nan rasanble done ak evalye bezwen biznis ak rezidan ki afekte nan Konte nou an. Menmsi patisipasyon nan pwosesis sondaj sa a volontè, nou ankouraje tout moun ki afekte pou yo patisipe paske enfòmasyon sa yo enpòtan anpil pou patnè lokal, Eta ak federal yo evalye enpak jeneral evènman lapli sa a te genyen sou zòn nou an, pou yo mete plis estrateji ak kowòdone alokasyon resous yo pou evènman sa a ak pwochen evènman.

Pou rapòte domaj inondasyon w lan, tanpri suiv etap sa yo:

• Vizite www.miamidade.gov/reportdamage oswa telecha sou iPhone oswa Android  
• Klike sou bouton "Report Damage".
• Ranpli fòm lan avèk otan detay posib sou domaj pwopriyete w la.
• Soumèt fòm lan.

Si ou pa kapab jwenn aksè a sit la, tanpri rele 3-1-1 pou asistans.

Enfòmasyon ou yo va ede nou konprann kantite domaj yo epi ede nou akselere efò rekiperasyon an.

MEDIA NOTE: B-roll of DEM and FEMA teams canvassing areas in Miami-Dade County impacted by flooding in North Miami can be found here.