Depatman Transpò ak Travo Piblik ogmante frekans Metrorail pou amelyore sèvis pou pasaje yo

Nan yon efò pou amelyore sèvis ak fyabilite pou pasaje Metrorail, nan dat 6 fevriye 2023, Depatman Transpò ak Travo Piblik (DTPW) te retounen avèk sèvis èdepwent Metrorail la nan nivo li te genyen anvan pandemi an.

Vwayaj sou Transpò Piblik Miami-Dade te kontinye ogmante san rete, e an desanm 2022, mwayèn kantite vwayaj chak jou yo te rive a 86% nivo anvan pandemi an. Pou Metrorail kontinye bay vwayajè yo pi bon sèvis posib, frekans konbine tren Metrorail Orange Line ak Green Line va ogmante soti nan chak 7.5 minit pou rive chak 5 minit ant estasyon Earlington Heights ak Dadeland South nan èdepwent pandan jou lasemèn.  

Ajisteman sèvis yo va aplike se:

Jou lasemèn

• Sèvis èdepwent: Tren Orange Line ak Green Line va pase chak 10 minit pandan èdepwent yo pou yon frekans konbine chak 5 minit ant estasyon Earlington Heights e Dadeland South.
• Sèvis ki pa èdepwent: Tren Orange Line ak Green Line va pase chak 15 minit pandan lè ki pa èdepwent pou yon frekans konbine chak 7.5 minit ant estasyon Earlington Heights e Dadeland South.
• Apre 8:00 pm, tren Orange Line ak Green Line va demare ansanm pou bay sèvis chak 30 minit. Yu va fèmen yon sèl ray pou fè travay antretyen ak reparasyon prevantif san danje.

Wikenn

• Tren Orange Line va kontinye bay sèlman sèvis navèt Ayewopò ant Earlington Heights e estasyon Ayewopò Entènasyonal Miami avèk sèvis chak 15 minit.
• Pasaje ki prale ak soti nan Ayewopò Entènasyonal Miami dwe transfere ant liy yo nan Estasyon Earlington Heights.
• Tren Green Line va pase chak 30 minit.

Pasaje yo ka peye dirèkteman nan tout pòtay tarif Metrorail yo ak bwat tarif Metrobus yo lè yo itilize kat labank san kontak oswa pòtfèy dijital. Pòtfèy dijital yo aksepte gen ladan Apple Pay, Google Pay, Samsung Pay, ak Fitbit Pay. Si w ap itilize yon kat san kontak oswa yon pòtfèy dijital, pri a pral limite a $5.65 pou vwayaj ilimite pa jou, ki gen ladan transfè, sou Metrorail ak Metrobus.

Anplis de sa, pasaje Miami-Dade Transit kapab achte yon pas mobil atravè aplikasyon GO Miami-Dade Transit nou an. Pas mobil One-Way va otomatikman aktive apati moman moun achte yo. Pri tikè Metrorail se $2.25 pou chak vwayaj. Kat EASY Card oswa Tikè yo disponib pou moun achte nan tout estasyon Metrorail atravè machin lavant tikè yo lè moun itilize lajan kach oswa kat kredi. Pasaje yo ka achte yon kat EASY Card tou epi telechaje li davans sou entènèt nan Transit Store la.

Planifye vwayaj ou sou transpò piblik oswa suiv otobis oubyen tren ou an tan reyèl atravè aplikasyon GO Miami-Dade Transit.

Rete konekte epi suiv DTPW sou rezo sosyal Facebook, Twitter, ak Instagram. Enskri nan bilten mansyèl Mobility 305 nou an pou w ka resevwa nouvèl, evènman espesyal, avantaj, elayiye.

Vizite sit entènèt Miami-Dade Transit la pou w ka jwenn orè konplè Metrorail, kat estasyon, kote pakin yo ye, elatriye.